2018/11/17 at 11:05 صباحًا
رئيس التحرير أيمن عبد الجواد

السميط التركي مقدم من مروة الجزار

السميط التركي مقدم من مروة الجزار
يالا نعمله في البيت بطريقة سهلة وبسيطة
مقاديره…
نص كيلو دقيق.
بيضة.
معلقة كبيرة خميرة فورية.
معلقتين كبار سكر عادي.
ربع كوب زبدة طرية.
3معالق كبيرة لبن بودرة.
معلقة صغيورة ملح.
ماء دافي للعجن حوالي كوب وممكن يزيد وممكن يقل حسب احتياج العجينة.
نص كوب عسل اسود.
ربع كوب ماء.
سمسم.
الطريقة 👇👇
اول حاجة هنختبر الخميرة بمعلقة من السكر ونص كوب من الماية الدافية وندوبهم كويس ونسيب الخميرة تتفاعل.
في بولة كبيرة هنخلط الدقيق مع اللبن البودرة والملح ومعلقة السكر وننزل بالزبدة نفركها كويس جدا جدا في الدقيق لحد ما الدقيق يتجانس معاها وبعدين ننزل بالبيضة ونخلطها بايدينا كويس مع الدقيق وننزل بالخميرة المتدوبة في الماية الدافية ونعجن كويس وهنزود الماية بالتدريج لحد ما تتشكل عجينة طرية ومرنة.
هنعجنها كويس جدا وبعدين نغطيها ونسيبها تستريح نص ساعة ⌚ وبعدين اطلعها علي الرخامة وابدأ اشكلها ضفيرة كبيرة وهنزل طريقة التشكيل بالتعليقات.
هنجيب طبق غويط ونحط العسل ونخلطه بربع كوباية الماية ونقلبهم كويس وطبق هنحط فيه السمسم وننزل بضفيرة السميط بعد ما شكلناها في طبق العسل ومنه علي طبق السمسم ونحط السميط في صينية الخبز واسيبه يخمر تاني نص ساعه بعد التشكيل.
اسخن الفرن قبلها بنص ساعة وادخل الصينية فرن 200او 180حسب توزيع الحرارة لفرنك لحد ما ياخد لون تحمير حلو يطلع من الفرن يتغطي علطول بفوطة نضيفة لمدة نص ساعة وبعد كده يتقدم بالف هناااااا
حلو اوي للفطار او للعشا او للولاد في الانش بوكس وممكن تاكليه بالجبنة او يتاكل لوحده.

شاهد أيضاً

كيكة الكريمه والقرفه مقدمة من/الشيف عبير على

كيكة الكريمه والقرفه مقدمة من/الشيف عبير على المقادير 200ملي كريمه لباني 200جرام سكر 260جرام دقيق …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *